2025-mi
2. kvartalimi avataasiorluni aalisakkanik qalerualinnillu aalisarneq
Matumuuna 2025-mi kvartalit aappaanni avataasiorluni aalisarnermi kisitsisit Naatsorsueqqissaartarfimmit saqqummersinneqarput. Pineqartut tabelinngorlugit kisitsisaataasivimmilu kisitsisit tunuliaqutaralugit takussutissiarineqarput. Tabelimi takuneqarsinnaapput 2021-miit 2025-mut kvartalit aappaanni saarullinnut, qeralinnut kinguppannullu kisitsisit.
2025-mi kvartalit aappaanno kisitsisaagallartut takutippaat qalerallit pisat, ukiuni arlalinni annikinnerujuarsimasut, annertusingaatsiarnerat. Taassuma saniatigut kinguppaat pisat annertusiartorput, 2025-milu annertunerpaallutik.
Ukiup qaammataani siullerni nalunaarusianik amigaateqartoqarsinnaanera peqqutigalungu kisitsisinik atuinermi tamanna eqqumaffigineqassaaq.
2021-miit 2025-mut kvartalit aappaanni saarulliit, qalerallit kinguppaallu pisat tonsinngorlugit, Kalaallit Nunaannit avataasiorluni aalisariutinit pisat
|
Suussutsit |
2021 |
2022 |
2023 |
2024 |
2025 |
|
Saarullik ..... |
18.671 |
20.575 |
15.449 |
23.220 |
21.785 |
|
Qaleralik ..... |
3.224 |
2.475 |
2.479 |
2.036 |
13.178 |
|
Kinguppaat ... |
25.964 |
29.655 |
27.468 |
29.084 |
39.569 |
Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/FIN008
Saarulliit pisat annerntussusaat nikerarput 2023-milu appariarlutik, taamaattoq pisat ataatsimut isigalungit aalaakkaasumik qaffasillutik. 2025-mili 2024-mit annikinnerulaarput.
2025-mi qalerallit pisat, ukiuni kingullerni sisamani annikinnerullutik appariartorsimasigaluit, annertunerungaatsiarput.
Kinguppaat pisat aalaakkaasumik annertussuseqarput qaffakkiartuaarlutillu. 2025-milu takuneqarsinnaasutut pisarineqarsimasut annertunerpaapput.
Kisitsisaataasivimmi pisat annertussusaannut kisitsisit suussutsinut, aalisarfinnut, Kalaallit Nunaannit aalisariutinut nunaniillu allaniit aalisariutinut immikkoortitikkat kiisalu piffissami 2012-imiit 2025-mi kvartalit aappaat ilanngullugu naatsorsukkat nassaarineqarsinnaapput.
Taassuma saniatigut piffissami pineqartumi qalerallit, saarulliit kinguppaallu qalipaajakkat aamma qalipaajarneqanngitsut ooqanngitsullu qerisut nalinginut naatsorsuutit, avammut tunisat akii najoqqutaralugit kisinneqarsimasut, nassaarineqarsinnaapput.